DİN Sabirabadda məktəbliləri daşıyan avtobusun qəzaya düşməsi ilə bağlı məlumat yayıb

Bakı. 12 oktyabr. REPORT.AZ/ Daxili İşlər Nazirliyi (DİN) Sabirabadda məktəbliləri daşıyan avtobusun qəzaya düşməsi ilə bağlı məlumat yayıb.

"Report" xəbər verir ki, məlumatda bildirilib ki, oktyabrın 11-də saat 08 radələrində Sabirabad rayonunun Bulaqlı kəndində rayon sakinləri Vahid Balakişiyevin idarə etdiyi “KamAZ” və İdris Süleymanovun idarə etdiyi “İsuzu” markalı avtobus toqquşub.

Nəticədə avtobusdakı sərnişinlərindən Cavad Həsənov hadisə yerində ölüb, digər 4 sərnişin xəstəxanaya yerləşdirilib.

Faktla bağlı Baş İstintaq və Təhqiqat İdarəsində araşdırma aparılır.