Cənub rayonlarında yağışın törətdiyi fəsadların aradan qaldırılması tədbirləri davam etdirilir

Bakı. 6 oktyabr. REPORT.AZ/ Fövqəladə Hallar Nazirliyi (FHN) Astara, Lənkəran və Masallı rayonlarında yağışın törətdiyi fəsadların aradan qaldırılması istiqamətində zəruri xilasetmə tədbirlərini davam etdirir.

FHN-dən “Report”a verilən məlumata görə, ötən sutka ərzində nazirliyin Dövlət Yanğından Mühafizə Xidmətinin canlı qüvvə və texnikası yağıntı suları ilə dolmuş ərazilərdə suçəkmə işlərinə cəlb olunub.