Cəlilabadda piyadanı vuraraq öldürən sürücü saxlanılıb - YENİLƏNİB

Cəlilabadda piyadanı vuraraq öldürən sürücü saxlanılıb.

DİN-in Mətbuat Xidmətinin Lənkəran regional qrupundan "Report"un Muğan bürosuna verilən məlumata görə, dekabrın 16-sı saat 18 radələrində Cəlilabad sakini Alxas Ağayev idarə etdiyi "VAZ 21214" markalı avtomobillə rayonun Uzuntəpə kəndində hərəkətdə olarkən yolu keçən piyada - 1974-cü il təvəllüdlü Lalə Rüstəmovanı vurub.

Piyada aldığı xəsarətlərdən xəstəxanada ölüb.

Faktla bağlı araşdırma aparılır.

Cəlilabad rayonunun Uzuntəpə kəndində ölümlə nəticələnən yol qəzası baş verib.

"Report"un Muğan bürosunun məlumatına görə, “Niva” markalı minik avtomobili yolu keçən piyada Lalə Rüstəmovanı vurub. Piyada aldığı ağır xəsarətlərdən ölüb.

Faktla bağlı araşdırma aparılır.