Cəlilabadda evi atəşə tutan şəxs saxlanıldı

Cəlilabadda evi atəşə tutan şəxs saxlanıldı Cəlilabad rayonunda evə girən şəxs atəş açıb.
Hadisə
143
5 May , 2020 11:46
Cəlilabadda evi atəşə tutan şəxs saxlanıldı
google.az

Cəlilabad rayonunda evə girən şəxs atəş açıb.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, aprelin 19-da Cəlilabad rayonunun Günəşli kənd sakini X.Kərimova Cəlilabad Rayon Polis Şöbəsinə müraciət edərək 1 gün əvvəl saat 22 radələrində yaşadığı evə girən naməlum şəxsin evin divarına tüfəngdən atəş açaraq hadisə yerini tərk etməsini bildirib.

Müraciətlə əlaqədar dərhal müvafiq tədbirlər görülüb, hadisəni oğurluq məqsədilə törətməkdə şübhəli bilinənlər - Alar kənd sakinləri S.Hüseynov və əvvəllər məhkum olunmuş K.Əliyev polis əməkdaşları tərəfindən saxlanılıblar.

K.Əliyevdən müvafiq sənədləri olmayan, nömrəsi silinmiş “İJ-16” markalı ov tüfəngi və narkotik vasitə olan heroin aşkar edilərək götürülüb.

Ətraflarında aparılan tədbirlərlə onların rayon ərazisindəki daha 4 evdən pul və qızıl-zinət əşyaları oğurlamaları, 1 evdən isə oğurluğa cəhd göstərmələri də müəyyən edilib.

Son xəbərlər

Orphus sistemi