Cəlilabad. 29 oktyabr. REPORT.AZ/ Cəlilabad rayonunda elektrik yarımstansiyasından kabel oğurlanıb. "Report"un Aran bürosunun məlumatına görə, hadisə oktyabrın 17-də rayonun Uzuntəpə kəndində yerləşən elektrik yarımstansiyasında baş verib.
Belə ki, elektrik yarımstansiyasının həyətindən 1 200 metr kabel oğurlanıb.
Cəlilabad Rayon Polis Şöbəsinin (RPŞ) əməkdaşlarının keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən rayon sakini Tural Qasımov tutulub.
Faktla bağlı Cəlilabad RPŞ-də araşdırmalara başlanılıb.