Cəlilabadda arvadını bıçaqlayan şəxsin apellyasiya şikayəti təmin edilməyib

Cəlilabadda arvadını bıçaqlayan şəxsin apellyasiya şikayəti təmin edilməyib Cəlilabadda qətldə təqsirləndirilən Elnur Əliyevin cinayət işi apellyasiya şikayəti təmin edilməyib.
Hadisə
181
13 Yanvar , 2022 17:08
Cəlilabadda arvadını bıçaqlayan şəxsin apellyasiya şikayəti təmin edilməyib

Cəlilabadda qəsdən adam öldürməyə cəhddə təqsirləndirilən Elnur Əliyevin cinayət işi apellyasiya şikayəti təmin edilməyib.

“Report”un xəbərinə görə, bu barədə qərar Şirvan Apellyasiya Məhkəməsində elan olunub.

Qeyd edək ki, 2020-ci ilin iyul ayının 26-da Cəlilabad rayon Uzuntəpə kənd sakini Elnur Əliyevin yaşadıqları evdə arvadı Natavan Nəsirovaya bıçaqla xəsarət yetirib.

Faktla bağlı Cəlilabad Rayon Polis Şöbəsinin İstintaq Bölməsində Cinayət Məcəlləsinin 128-ci (qəsdən sağlamlığa yüngül zərər vurma) maddəsi ilə cinayət işi başlanıb.

Cinayət işinin materiallarının rayon prokurorluğu tərəfindən öyrənilməsi zamanı E.Əliyevin arvadı N.Nəsirovanı qəsdən adam öldürməyə cəhd etməsinə əsaslı şübhələr müəyyən edildiyindən cinayət işi üzrə əməl Cinayət Məcəlləsinin 128-ci maddəsindən 29, 120.1-ci (qəsdən adam öldürməyə cəhd) maddəsinə tövsif edilərək rayon prokurorluğunun icraatına götürülüb.

E.Əliyev təqsirləndirilən şəxs qismində cəlb edilməklə ona qeyd edilən maddə ilə ittiham elan edilib və barəsində məhkəmənin qərarı ilə həbs qətimkan tədbiri seçilib. İş üzrə müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib.

O, Lənkəran Ağır Cinayətlər Məhkəməsinin hökmü ilə E.Əliyev 7 il 10 ay 15 gün müddətinə azadlıqdan məhrum edilib. Hökmdən narazı qalan məhkum apellyasiya şikayəti verib.

Son xəbərlər

Orphus sistemi