Boliviyada ağır yol qəzasında 13 nəfər ölüb

Boliviyanın qərbində mikroavtobusun yük maşını ilə toqquşması nəticəsində azı 13 nəfər ölüb.

“Report” xəbər verir ki, bu barədə ölkə prezidenti Luis Arse məlumat verib.

“La-Pas-Oruro avtomobil yolunda baş verən və 13 nəfərin ölümü ilə nəticələnən qəza bizi dərindən kədərləndirdi. Boliviya xalqının kədərləndiyi bu faciəli hadisənin səbəblərini müəyyənləşdirmək üçün müvafiq araşdırma aparılmasına göstəriş vermişik”- o, Telegram kanalında yazıb.

Qeyd olunub ki, toqquşma nəticəsində iki uşaq ölüb. Qəzadan sağ çıxan 3 nəfər El-Altodakı xəstəxanaya aparılıb. İlkin məlumatlara görə, toqquşmanın səbəbi hələ müəyyən edilməyib.