Biləsuvarda yol qəzası olub, xəsarət alanlar var

Biləsuvar rayonunda yol-nəqliyyat qəzası baş verib.

"Report"un Muğan bürosunun məlumatına görə, hadisə rayonun Nərimankənd kəndində qeydə alınıb.

İlkin məlumata görə, minik avtomobilinin aşması nəticəsində iki nəfər xəsarət alıb.

Xəsarət alanlar 1988-ci il təvəllüdlü X.Əzizov və 1946-cı il təvəllüdlü O.Cavadov xəstəxanaya çatdırılıb.

Faktla bağlı araşdırma aparılır.