Biləsuvarda avtomobillə piyadanı vuran sürücü saxlanılıb 

Biləsuvar rayonunda yol-nəqliyyat hadisəsi olub.

"Report"un Muğan bürosunun məlumatına görə, hadisə Biləsuvar-Bəhrəmtəpə avtomobil yolunun Günəşli kəndindən keçən hissəsində qeydə alınıb.

Belə ki, rayonun Nəsimikənd kənd sakini, 1973-cü il təvəllüdlü Ağayev Tapdıq Ağamurad oğlunun idarə etdiyi "VAZ-2106" markalı minik avtomobili ilə yolu keçmək istəyən Günəşli kənd sakini, 1988-ci il təvəllüdlü Cəfərov Saleh Cahangir oğlunu vurub.

Yaralı müxtəlif bədən xəsarətləri ilə xəstəxanaya çatdırılıb.

Faktla bağlı araşdırma aparılır.