Beyləqanda avtomobil kanala düşüb, sürücü ölüb

Beyləqan. 26 noyabr. REPORT.AZ/ Beyləqan rayonunda ölümlə nəticələnən yol-nəqliyyat hadisəsi baş verib. "Report"un Qarabağ bürosunun məlumatına görə, noyabrın 25-də saat 19 radələrində rayonunun Dünyamalılar kəndi ərazisində baş verib. 

Belə ki, rayon sakini  Qurbani Sarıyev idarə etdiyi "VAZ-21154" markalı avtomobillə hərəkətdə olarkən idarəetməni itirib və avtomobili yolun kənarından keçən Qarabağ kanalına aşırıb. 

Nəticədə sürücü Q.Sarıyev hadisə yerində ölüb.

Faktla bağlı Beyləqan Rayon Polis Şöbəsi tərəfindən araşdırma aparılır.