Bərdə rayonunda canavarlar şəxsi təsərrüfata hücum edib.
"Report"un Qarabağ Mərkəzinin verdiyi məlumata görə, hadisə rayonun Məmmədli kəndində qeydə alınıb.
Yırtıcılar kənd sakini Ziyad Allahverdiyevə məxsus təsərrüfatda olan qoyunları parçalayıb. Onlardan 17-si tələf olub, 30-u isə yaralanıb.
Hadisə yerinə Baytarlıq Nəzarəti Xidmətinin Bərdə rayon Baytarlıq İdarəsinin əməkdaşları cəlb olunub.
Ölmüş heyvanlar basdırılıb, yaralı heyvanlara isə vaksin vurulub.