Bakıda yeniyetməni yük avtomobili vurub

Bakı. 12 oktyabr. REPORT.AZ/ Bakıda yeniyetməni yük avtomobili vurub.

"Report" xəbər verir ki, hadisə Nizami rayonunda qeydə alınıb

Belə ki, "99 JE 139" dövlət qeydiyyat nişanlı, "İsuzu" markalı yük avtomobili yolu keçən 2005-ci il təvəllüdlü İsmayılzadə Nihat Ədalət oğlunu vurub. Yaralı yük avtomobili ilə xəstəxanaya gətirilib. Həkimlər onu xəstəxananın reanimasiya şöbəsinə yerləşdirib.

Faktla bağlı Nizami Rayon Polis İdarəsində araşdırma aparılır.