Bakıda sürücü idarəetməni itirərək işıq dirəyinə çırpıldı

Bakıda yol-nəqliyyat hadisəsi baş verib.

“Report”un məlumatına görə, hadisə Heydər Əliyev prospekti, Bakı Olimpiya Stadionunun qarşısında qeydə alınıb.

Belə ki, 90-PY-491 dövlət nömrə nişanlı “KİA” markalı avtomobilin sürücüsü, 1992-ci il təvəllüdlü, Abdullazadə Orxan Adil oğlu idarəetməni itirib.

Nəticədə avtomobil yol kənarındakı işıq dirəyinə çırpılıb.

Qəza nəticəsində sürücü xəsarət almasa da, avtomobilə ciddi ziyan dəyib. Hadisə yerinə DYP əməkdaşları cəlb olunub.