Bakıda qadını avtomobil vurub

Bakı. 16 sentyabr. REPORT.AZ/ Bakıda qadını avtomobil vurub.

"Report"un xəbərinə görə, hadisə Nərimanov rayonunda baş verib.

Belə ki, Ziya Bünyadov prospektində yolu keçmək istəyən 1976-cı il təvəllüdlü Sadıqova Lamiyə İdeal qızını minik avtomobili vurub. Nəticədə qadın ağır xəsarət alıb. O, hadisəni törədən sürücü tərəfindən xəstəxanaya yerləşdirilib. 

Həkimlər L.Sadıqovanın vəziyyətini orta-ağır kimi qiymətləndirir.

Faktla bağlı Nərimanov Rayon Polis İdarəsində araşdırma aparılır.