Bakıda avtomobillər toqquşub, xəsarət alanlar var

Bakıda iki avtomobil toqquşub.

"Report"un məlumatına görə, hadisə Nizami rayonunda qeydə alınıb. İki avtomobilin toqquşması nəticəsində sərnişinlər - 1988-ci il təvəllüdlü İskəndərova Səma Fəxrəddin qızı və 1965-ci il təvəllüdlü Bağırova Gözəl Zeynal qızı xəsarət alıblar.

Yaralılar təcili tibbi yardımın köməkliyi ilə xəstəxanaya çatdırılıb.

Hadisənin təfərrüatı araşdırılır.