Bakıda gənc oğlanın çoxmərtəbəli binadan düşərək ölməsi ilə bağlı araşdırmalara başlanılıb

Bakıda gənc oğlanın çoxmərtəbəli binadan düşərək ölməsi ilə bağlı araşdırmalara başlanılıb.

Bu barədə "Report"un sorğusuna cavab olaraq Baş Prokurorluğun Mətbuat Xidmətindən bildirilib.

Qeyd edilib ki, hazırda faktla bağlı Xətai Rayon Prokurorluğunda araşdırma aparılır.

Xatırladaq ki, hadisə bu gün paytaxtın Xətai rayonunda qeydə alınıb. Belə ki, gənc oğlan çoxmərtəbəli binanın 15-ci mərtəbəsindən həyətdə dayanan maşının ön şüşəsi üzərinə düşərək ölüb.