​Bakıda çay evində dava düşüb, iki nəfər xəsarət alıb

Çay evində işləyən qadın baltalanıb

Bakı. 29 iyun. REPORT.AZ/ Bakının Nərimanov rayonunda bıçaqlanma hadisəsi baş verib.

“Report”un xəbərinə görə, Ə.Əlizadə küçəsində yerləşən çay evində naməlum şəxs xuliqanlıq zəminində 26 yaşlı Tural Məmmədova bıçaqla xəsarət yetirib.

T.Məmmədovun qohumu olan Rövşən adlı şəxs isə həmin çay evində işləyən 38 yaşlı Ruhəngiz Abbasovaya balta ilə hər iki qolundan kəsici xəsarət yetirib.

Hər iki yaralı xəstəxanaya aparılıb. R.Abbasova xəstəxanadan evə buraxılıb. T.Məmmədovun isə vəziyyəti qənaətbəxşdir.

Faktla bağlı istintaq aparılır.