Bakıda bir nəfər binada yanğın zamanı xilas edilib

Bakı. 9 fevral. REPORT.AZ/ Axşam saatlarında Bakının Xətai rayonunda beşmərtəbəli yaşayış binasının 4-cü mərtəbəsində yanğın baş verib.

"Report" Fövqəladə Hallar Nazirliyinə istinadən xəbər verir ki, nəticədə vətəndaşa məxsus 4 otaqlı mənzilin 1 otağının yanar konstruksiyaları və ev əşyaları yanıb.

Yanğın zamanı yanğınsöndürənlər tərəfindən ev sahibi xilas olunaraq aidiyyəti üzrə təhvil verilib. Mənzilin qalan hissəsi yanğından mühafizə olunub. Yanğın saat 21:14-də yanğınsöndürənlər tərəfindən söndürülüb.