Bakıda yol qəzası baş verib.
Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.
Belə ki, dekabrın 30-u saat 18 radələrində Xəzər rayonunun Qala qəsəbəsi ərazisində paytaxt sakini İ.Hüseynov idarə etdiyi “BMW” markalı avtomobili aşırıb. Nəticədə sürücü aldığı xəsarətlərdən hadisə yerində ölüb.
Xəzər Rayon Polis İdarəsi tərəfindən araşdırma aparılır.