Yuxarı
    Bağlamaq

    Bakıda arvadını bıçaqlamaqda təqsirləndirilən şəxsə hökm oxunub

    Kamran Bilalovun cinayət işi üzrə məhkəmə iclası başa çatıb

    Bakı. 28 iyul. REPORT.AZ/ Bakı Ağır Cinayətlər Məhkəməsində keçmiş arvadını bıçaqlamaqda təqsirləndirilən 42 yaşlı Kamran Bilalovun cinayət işi üzrə məhkəmə iclası başa çatıb.

    "Report"un xəbərinə görə, hakim Ənvər Seyidovun sədrliyi ilə keçirilən prosesdə hökm oxunub.

    Məhkəmənin hökmü ilə K.Bilalov 14 il 3 ay müddətinə azadlıqdan məhrum edilib.

    Qeyd edək ki, K.Bilalov keçmiş həyat yoldaşı Xatirə Bilalovanı qısqanclıq zəminində öldürmək istəyib. O, ötən il noyabrın 15-də Xatirənin avtobus dayanacağına doğru getdiyini görüb, ona yaxınlaşaraq bıçaqla çoxsaylı zərbələr endirib. Sonra isə hadisə yerindən qaçıb. Ağır dərəcəli bədən xəsarətləri almış yaralı xəstəxanaya çatdırıldığından onun həyatını xilas etmək mümkün olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi