Yuxarı

​"Bakı-Tbilisi-Ərzurum" kəmərinin Türkiyədən keçən hissəsində partlayış törədilib - FOTO

Hazırda yanacaq verilişi dayandırılıb

Bakı. 25 Avqust. REPORT.AZ/ Türkiyədə bir qrup terrorçu "Bakı-Tbilisi-Ərzurum" qaz kəmərinin Qars əyalətindən keçən hissəsində partlayış törədib.

"Report" TASS-a istinadən xəbər verir ki, bu barədə əyalətin qubernatorluğundan məlumat verilib.

Müəyyən edilib ki, terror aktı Kürd Fəhlə Partiyasının (PKK) üzvləri tərəfindən törədilib.

Partlayış bazar ertəsi gecə yarısında magistral qaz kəmərinin Sarıqamış qəzasından keçən hissəsində baş verib. Hücumda təqribən 20 terrorçu iştirak edib. Yerli televiziyanın məlumatına görə, boru kəməri ilə yanacaq verilişi dayandırılıb, alovun söndürülməsi prosesi gedir.

Hadisə yerinə təhlükəsizlik qüvvələrinin bölmələri gəlib. Ətraf ərazilər jandarma və hərbçilərin nəzarəti altına götürülüb. Terrorçularla atışma getdiyi bildrilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi