Baki-Sumqayıt yolunda avtomobillə vurulan qadının onurğası əzilib

Abşeron rayonunda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Baki-Sumqayıt yolunda qeydə alınıb.

Belə ki, 1961-ci il təvəllüdlü Hüseynova Ellada Əlihüseyn qızı yolu keçmək istəyərkən avtomobil onu vurub.

Yaralı təcili tibbi yardımın köməkliyilə xəstəxanaya çatdırılıb.

Müayinə zamanı ona sağ bazu sümüyünün və onurğanın əzilməsi diaqnozu qoyulub. Faktla bağlı araşdırma aparılır.