Bakı-Qazax yolunda sərnişin avtobusu qəzaya düşüb, xəsarət alanlar var

Yevlax. 27 oktyabr. REPORT.AZ/ Bakı-Qazax yolunda sərnişin avtobusu qəzaya düşüb.

"Report"un Qərb bürosunun məlumatına görə, hadisə magistralın Ağdaş rayonu, Əmirarx kənd ərazisindən keçən hissəsində baş verib. "İkarus" markalı avtobus "Kamaz" markalı yük maşını ilə toqquşub.

Nəticədə "İkarus"un sürücüsü, Tovuz rayon sakini, 1982-ci il təvəllüdlü Elşad Məmmədov ağır yaralanıb. Yaralı dərhal xəstəxanaya çatdırılıb. Onun bir ayağı amputasiya edilib. Qəza nəticəsində daha bir neçə nəfərin də xəsarət aldığı bildirilir.

Faktla bağlı araşdırma aparılır.