Bakı-Qazax yolunda “Opel” “KamAZ”la toqquşub, yaralılar var

Bakı. 4 dekabr. REPORT.AZ/ Bakı-Qazax yolunun 65-ci kilometrliyində “Opel” markalı minik avtomobili ilə “KamAZ” markalı yük avtomobilinin toqquşması nəticəsində yol-qəza hadisəsi baş verib. “Report” xəbər verir ki, hadisə nəticəsində hər iki nəqliyyat vasitəsi deformasiyaya uğrayıb. FHN-in Xüsusi Riskli Xilasetmə Xidmətinin xilasediciləri hadisə yerinə cəlb olunaraq minik avtomobilində sıxılmış vəziyyətdə qalan yaralıları nəqliyyat vasitəsindən çıxararaq aidiyyəti üzrə təhvil verib, həmçinin ərazidə müvafiq təhlükəsizlik tədbirləri görüblər.