Yuxarı

Azərbaycanda ilk dəfə seçilən məhkəmə hakimlərinin vəzifə müddəti azaldılıb

Hazırda bu müddət 5 ildir

Bakı. 30 dekabr. REPORT.AZ/ Azərbaycanda ilk dəfə seçilən məhkəmə hakimlərinin vəzifə müddəti azaldılıb. “Report” xəbər verir ki, bununla bağlı “Məhkəmələr və hakimlər haqqında” qanunun 96-cı maddəsinə dəyişiklik edilib.

Milli Məclisdə müzakirə olunan dəyişiklər layihəsinə görə, hüquqşünaslar hakim vəzifəsinə ilk dəfə üçün 3 il müddətinə təyin oluna biləcəklər. Hazırda bu müddət 5 ildir.

Maddəyə təklif edilən digər dəyişikliyə görə, Ali Məhkəmə hakimləri üçün son yaş həddi 68, digər instansiya məhkəmələrinin hakimləri üçün isə 66 yaş müəyyən olunur. Hazırda isə ümumilikdə bütün məhkəmə hakimlərinin son yaş həddi 65-dir.

Layihə müzakirələrdən sonra qəbul edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi