Bakı. 21 yanvar. REPORT.AZ/ Azərbaycanda axtarışda olan Rusiya vətəndaşı saxlanılıb.
"Report" Daxili İşlər Nazirliyinin (DİN) rəsmi saytına istinadən xəbər verir ki, Nəsimi Rayon Polis İdarəsinin 20-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Rusiya Federasiyasının (RF) vətəndaşı İftixar Əzizovdan 1,260 qram heroin götürülüb. Araşdırmalar zamanı onun RF Cinayət Məcəlləsinin 105-ci (qəsdən adam öldürmə) və 162-ci (quldurluq) maddələri ilə axtarışda olması da müəyyən edilib.
Faktla bağlı araşdırma aparılır.