Ağstafada avtomobil 53 yaşlı piyadanı vuraraq öldürüb

Ağstafa. 28 iyun. REPORT.AZ/ Ağstafa rayonunda piyadanın vurulması ilə nəticələnən yol-nəqliyyat hadisəsi baş verib.

"Report"un Qərb bürosunun verdiyi məlumata görə, rayonun Vurğun qəsəbəsinin sakini, 1964-cü il təvəllüdlü Namiq Həbib oğlu Yüsibov yolu keçmək istəyərkən "VAZ-2106" markalı avtomobil onu vurub. Ağır bədən xəsarətləri alan piyada Ağstafa Rayon Mərkəzi Xəstəxanasının reanimasiya şöbəsinə yerləşdirilib. Həkimlərin səyinə baxmayaraq, piyada xəstəxanada dünyasını dəyişib.

Faktla bağlı araşdırmalara başlanılıb.