Ağcabədi sakinindən narkotik və tapança götürülüb

Ağcabədi sakinindən narkotik və tapança aşkarlanıb.

Bu barədə "Report"un Qarabağ Mərkəzinə Ağcabədi Rayon Polis Şöbəsindən (RPŞ) məlumat verilib.

Belə ki, Ağcabədi RPŞ-nin əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində şəhər sakini D.Salmanovun evindən 100 qram heroin, 100 qram marixuana, metamfetamin, habelə paslanmış vəziyyətdə “Makarov” markalı tapança və 1 ədəd tapançaya bənzər qaz silahı aşkar edilərək götürülüb.

Faktla bağlı araşdırma aparılır.