Abşeronda zirzəmidən kişi meyiti tapılıb - YENİLƏNİB

Abşeron. 28 fevral. REPORT.AZ/ Abşeron rayonunda zirzəmidə tapılan meyitin kimə məxsus olduğu məlum olub.

"Report"un yerli bürosunun məlumatına görə, Xırdalan şəhərində yaşayış binalarının birinin zirzəmisində 1978-ci il təvəllüdlü Cavid Əliyevin meyiti tapılıb. 

Hadisə yerinə hüquq mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub.

Hadisə yerinə baxış keçirilib. 

Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Sumqayıt şəhər şöbəsinə yerləşdirilib. 

*** 11:23

Abşeron. 28 fevral. REPORT.AZ/ Abşeron rayonunda zirzəmidən naməlum kişi meyiti tapılıb.

"Report"un Sumqayıt-Abşeron bürosunun məlumatına görə, Xırdalan şəhərində yaşayış binalarının birinin zirzəmisində bir nəfərin meyitinin olması barədə hüquq-mühafisə orqanlarına məlumat daxil olub.

Polis əraziyə baxış keçirib. Nəticədə təxminən, 40-45 yaşlarında olan kişi meyiti tapılıb. Şəxsin kimliyi hələlik məlum deyil. Meyitin üzərində heç bir zorakılıq əlaməti aşkarlanmayıb.

Faktla bağlı Abşeron rayon Prokurorluğunda araşdırma aparılır.