"Zirə" klubuna yeni baş məşqçi təyin olunub

Bakı. 29 avqust. REPORT.AZ/ "Zirə" futbol komandasının yeni baş məşqçisi bəlli olub.

"Report"un klubun rəsmi saytına istinadən verdiyi məlumata görə, komanda Samir Abasova həvalə olunub. Gənc mütəxəssislə mövsüm sonuna kimi müqavilə bağlanılıb. O, yeni komandasında Ayxan Abbasovu əvəzləyib.

Qeyd edək ki, Samir Abasovun əvvəlki iş yeri ötən mövsümün son turunda məhz "Zirə"yə 1:2 hesablı məğlubiyyətdən sonra istefa verdiyi "Sumqayıt" olub.