"Yuventus"un futbolçuları koronavirusdan sağaldı

İtaliyanın “Yuventus klubunun futbolçuları - Daniel Ruqani və Blez Matüidi koronavirusa qalib gəlib.

“Report” Turin təmsilçisinin rəsmi saytına istinadən xəbər verir ki, hər iki oyunçu növbəti dəfə koronavirus üçün testdən keçib. Testlərin nəticələri mənfi olub.

Onlar xəstəxanadan buraxılsalar da, evlərində karantində qalacaqlar. 

Qeyd edək ki,” Yuventus”un daha bir futbolçusu Paulo Dibala da koronavirusa yoluxub.