Yuxarı

Ueyn Runi noyabrın 15-də İngiltərə millisində vida matçı keçirəcək

Ueyn Runi noyabrın 15-də İngiltərə millisində vida matçı keçirəcək

Bakı. 4 noyabr. REPORT.AZ/ Vaşinqtonun Əsas Futbol Liqasında (MLS) çıxış edən "Di Si Yunayted" klubunun hücumçusu Ueyn Runi vida matçı keçirmək üçün futbol üzrə İngiltərə milli komandasında çıxışını bərpa edəcək.

“Report” BBC-yə istinadən xəbər verir ki, 33 yaşlı futbolçu noyabrın 15-də Londonda ABŞ və İngiltərə milli komandaları arasında keçiriləcək yoldaşlıq oyununda iştirak edəcək.

Runi kapitan sarğısında komandanı "Uembli" stadionuna çıxaracaq. Bu görüş onun üçün yığmada 120-ci olacaq.

Runi 2017-ci ilin yayında İngiltərə millisində karyerasını başa vurduğu elan edib. O milli komandada 2003-cü ildə debüt edib və hesabında 53 qolla yığma tarixinin ən yaxşı bombardiridir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi