Türkiyə klubu baş məşqçisi ilə yollarını ayırıb

Bakı. 12 noyabr. REPORT.AZ/ Türkiyənin "Konyaspor" klubu baş məşqçisi Rıza Çalımbay ilə yollarını ayırıb.

"Report" xəbər verir ki, bu barədə "Beİn Sport" məlumat yayıb. Hələlik klubdan heç bir açıqlama yoxdur. 

Qeyd edək ki, Rıza Çalımbay "Konyaspor"a bu ilin iyununda baş məşqçi təyin olunub. Komanda 12 turdan sonra Türkiyə Super Liqasında 17 xalla 9-cu pillədə qərarlaşıb.