Yuxarı

"Qəbələ" ili 555 min manat zərərlə başa vurub

"Qəbələ" ili 555 min manat zərərlə başa vurub

"Qəbələ" klubu 2018-ci il üçün maliyyə hesabatını açıqlayıb.

"Report"un məlumatına görə, əyalət təmsilçisinin ötən il gəlirləri 7 milyon 748 min manat, xərcləri isə 8 milyon 303 min manat təşkil edib.

Bilet və abunəlikdən 100 min, UEFA-dan pul mükafatı kimi 1 milyon 658 min manat, digər gəlirlər isə 6 milyon 84 min manat olub.

Əsas vəsaitlərin və qeyri-maddi aktivlərin amortizasiyasına (oyunçulardan başqa) 432 min manat, gənclər futbolunun inkişafına 1 milyon 416 min manat, digər xərclərə 6 milyon 455 min manat sərf olunub.

Maliyyə ili üçün ümumi zərər 555 min manat olub.

Hesabatda klubun cari və cəmi öhdəlikləri 2 milyon 916 min manat, cəmi kapitalı 10 milyon 754 min manat, cəmi aktivləri isə 13 milyon 670 min manat göstərilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi