"Qarabağ"ın rəqibinin Bakıya səfər proqramı müəyyənləşib

Bakı. 18 oktyabr. REPORT.AZ/ Ukraynanın "Vorskla" klubunun "Qarabağ"la keçirəcəyi Avropa Liqasının III tur matçı üçün Bakıya səfər proqramı müəyyənləşib.

"Report"un məlumatına görə, Poltava təmsilçisi Azərbaycan paytaxtına oyundan bir gün əvvəl - oktyabrın 24-də gələcək. Komanda "Winter Park Hotel"də məskunlaşacaq. Baş məşqçi Vasili Saçko həmin gün saat 17:30-da Bakı Olimpiya Stadionunda (BOS) mətbuat konfransı keçirəcək. Saat 18:00-da isə rəqibin ilk 15 dəqiqəsi mətbuat üçün açıq olan məşqi başlayacaq. 

Qeyd edək ki, "Qarabağ" - "Vorskla" görüşü oktyabrın 25-də BOS-da keçiriləcək. Matç saat 20:55-də başlayacaq.