"ManSiti" ardıcıl altıncı qələbəsini qazanıb

Bakı. 10 mart. REPORT.AZ/ "Mançester Siti" İngiltərə Premyer Liqasının 30-cu turunda "Uotford"u qəbul edib.

“Report” xəbər verir ki, Mançester şəhərinin "Etihad" stadionunda keçən qarşılaşma ev sahiblərinin 3:1 hesablı qələbəsi ilə yekunlaşıb.

"Şəhərlilər"in heyətində hər üç qolu yarımmüdafiəçi Rahim Sterlinq vurub.

Bu qələbə sayəsində "ManSiti"nin çempionatda qalibiyyət seriyası altı oyuna çatıb.

"Mançester Siti" matçdan sonra xallarının sayını 74-ə çatdırıb və hazırda turnir cədvəlinə liderlik edir."Uotford" 43 xalla 8-ci idir.

İngiltərə Premyer Liqası. 30-cu tur

"Mançester Siti" – "Uotford" - 3:1

Qollar: 1:0 – Sterlinq – 46, 2:0 – Sterlinq – 50, 3:0 – Sterlinq – 59, 3:1 – Deulofeu – 66