"Qalatasaray"dan təklif: "Çempionat dayandırılsın"

Türkiyənin "Qalatasaray" klubu Superliqanın təxirə salınmasını istəyir.

"Report" xəbər verir ki, bu barədə İstanbul təmsilçisinin rəsmi "Twitter" səhifəsində məlumat paylaşılıb.

"Sarı-qırmızılılar" matçların azarkeşsiz keçirilməsi əvəzinə, çempionatın 15 gün və ya 1 ay müddətinə dayandırılması təklifi ilə çıxış edib. 

Qeyd edək ki, Türkiyə prezidentinin sözçüsü İbrahim Kalın aprelin 30-dək ölkədəki bütün idman tədbirlərinin azarkeşsiz keçiriləcəyini bildirib. Martın 15-də Superliqanın XXVI turunun "Qalatasaray" - "Beşiktaş" matçı keçiriləcək.