"Qarabağ"ın keçmiş futbolçusu Azərbaycana yox, Braziliyaya qayıdıb

Bakı. 28 yanvar. REPORT.AZ/ Braziliyanın "İnter de Limeyra" klubu "Qarabağ"ın sabiq futbolçusu Çumbinyo ilə müqavilə bağlayıb.

"Report"un məlumatına görə, 33 yaşlı yarımmüdafiəçinin son klubu Yunanıstan "Levadiakos"u olub. O, "Qarabağ"da 2013 - 2015-ci illərdə çıxış edib.

Çumbinyonun yenidən Azərbaycan Premyer Liqasında çıxış etmək variantı olub. "Sambaçı" "Səbail" klubuna təklif olunsa da, transfer alınmayıb.