“Zirə” Vladislav Kulaçın xidmətindən məhrum qalıb

“Zirə” qış fasiləsində Ukraynanın “Dinamo” (Kiyev) klubundan transfer etdiyi Vladislav Kulaçın xidmətindən məhrum qalıb.

“Report”un məlumatına görə, bunu Bakı klubunun baş məşqçisi Rəşad Sadıqov açıqlayıb.

Onun sözlərinə görə, yenidən zədələnən ukraynalı hücumçunun debütü yubanacaq. Mütəxəssis 30 yaşlı forvardın təxminən bir ay və ya ay yarım sonra komandaya qoşulacağını deyib.

Qeyd edək ki, Vladislav Kulaç “Zirə” ilə 1,5 illik müqavilə imzalayıb.