“Zirə” belçikalı hücumçusu ilə yollarını ayırıb

“Zirə” belçikalı futbolçusu Loris Bronyo ilə yollarını ayırıb.

“Report” xəbər verir ki, bu barədə 31 yaşlı hücumçu instaqram səhifəsi vasitəsilə paylaşım edib.

O, başa çatan müqaviləsinin yenilənməyəcəyini bildirib: “Azərbaycanda keçirdiyim iki ilə görə “Zirə” klubuna təşəkkür edirəm. İndi yeni macəra vaxtıdır”.

Qeyd edək ki, Loris Bronyo “Zirə”yə 2021-ci ilin yayında Belçikanın “Beerşot” klubundan keçmişdi.