"Zenit" Avropa Liqasının oyunları üçün azərbaycanlı futbolçu sifariş verib

Bakı. 11 sentyabr. REPORT.AZ/ Rusiyanın "Zenit" klubu 2018-2019 mövsümündə Avropa Liqasının qrup mərhələsi üçün B siyahısını UEFA-ya təqdim edib. 

"Report" klubun saytına istinadən xəbər verir ki, Peterburq təmsilçisinin B siyahısına 11 oyunçu daxil edilib. Siyahıda əslən azərbaycanlı olan 19 yaşlı yarımmüdafiəçi Leon Musayev də yer alıb.

Qeyd edək ki, Leon Musayev "Zenit"in gənclərdən ibarət komandasında çıxış edir. O, Rusiyanın U-19 millisinin də formasını geyinir. 

"Zenit" Avropa Liqasının C qrupunda "Kopenhagen" (Danimarka), "Bordo" (Fransa) və "Slaviya" (Praqa, Çexiya) komandaları ilə mübarizə aparacaq.