Yurgen Kloppu təhqir edən baş hakim vəzifəsindən uzaqlaşdırılıb

İngiltərənin "Liverpul" klubunun sabiq baş məşqçisi Yurgen Kloppu təhqir edən baş hakim Devid Kut vəzifəsindən uzaqlaşdırılıb.

"Report" xəbər verir ki, bu barədə İngiltərə Premyer Liqasında hakimlərin işinə cavabdeh olan Professional Game Match Officials Limited (PGMOL) şirkətinin mətbuat xidməti məlumat yayıb.

Daha əvvəl UEFA və İngiltərə Hakimlər Assosiasiyası tərəfindən cəzalandırılan britaniyalı referi son olaraq işindən qovulub.

Qeyd edək ki, bir müddət əvvəl sosial şəbəkədə 42 yaşlı ədalət qoruyucusunun Kloppu axmaq və təkəbbürlü adlandırdığı video yayılmışdı.