Xabi Alonso: “Qrupda bizim üçün asan olmayacaq”

“Qrupda bizim üçün asan olmayacaq”.

“Report” xəbər verir ki, bunu Almaniyanın “Bayer 04” klubunun baş məşqçisi Xabi Alonso UEFA Avropa Liqasının qrup mərhələsinin püşkünü dəyərləndirərkən deyib.

Ötən mövsüm yarımfinala qədər irəlilədiklərini bildirən ispaniyalı mütəxəssis bu dəfə final arzusunda olduqlarını etiraf edib: “Ötən mövsüm finalın bir addımlığında dayandıq. Eyni “aclığı” hiss etsək, bu, daha da irəli getmək üçün yaxşı motivasiya olacaq. Turnirdə mümkün qədər irəliləmək üçün mübarizə aparacağıq”.

Qeyd edək ki, “Bayer 04”ün H qrupundakı rəqibləri Azərbaycan çempionu “Qarabağ”, İsveç “Hakken”i və Norveçin “Molde” klubudur.