UEFA Konfrans Liqası: Azərbaycan təmsilçilərinin pley-offdakı mümkün rəqibləri azalıb - YENİLƏNİB

UEFA Konfrans Liqasında pley-off mərhələsinin püşkatmasından əvvəl Azərbaycan təmsilçilərinin potensial rəqiblərinin sayı azalıb.

"Report"un məlumatına görə, saat 16:00-da start götürəcək tədbirdən əvvəl cütlər və klublar qruplara bölünüb.

"Osiyek" (Xorvatiya) - "Zirə" cütü I qrupun səpələnməmişlər səbətində yer alacaq.

"Zirə"nin mümkün rəqibləri:

“Kopenhagen” (Danimarka) – “Banik” (Çexiya) cütünün qalibi

“Omoniya” (Kipr) – “Fehervar” (Macarıstan) cütünün qalibi

Avropa Liqasında "Trabzonspor" (Türkiyə) - "Rapid" (Avstriya) qarşılaşmasının məğlubu

“Haydenhaym” (Almaniya)

"Lans" (Fransa)

“Sent-Patriks” (İrlandiya) – “Sabah” cütü III qrupda püşkatmaya qatılacaq.

"Sabah"ın mümkün rəqibləri

"Çelsi" (İngiltərə)

“Saburtalo” (Gürcüstan) – “Başakşəhər” (Türkiyə) cütünün qalibi

“Mlada Boleslav” (Çexiya) - “Hapoel” (Beer-Şeva, İsrail) cütünün qalibi

“İlves” (Finlandiya) – “Yurqorden” (İsveç) cütünün qalibi

Avropa Liqasında "Molde" (Norveç) - "Serkl Brügge" (Belçika) duelinin məğlubu

UEFA Konfrans Liqasında pley-off mərhələsinin püşkü bu gün atılacaq.

"Report"un məlumatına görə, Azərbaycan klubları "Zirə" və "Sabah"ın da bu raunddakı mümkün rəqibləri müəyyənləşəcək.

Tədbir Bakı vaxtı ilə saat 16:00-da başlayacaq. Təmsilçilərimizin yer aldığı cütlər püşk zamanı səpələnməmişlər səbətində olacaq.

Qeyd edək ki, "Zirə" III təsnifat mərhələsində Xorvatiyanın "Osiyek" klubu ilə, "Sabah" isə İrlandiyanın “Sent Patriks” komandası ilə qarşılaşacaq. Bu raundun ilk matçları avqustun 8-də, cavab oyunları isə ayın 15-də gerçəkləşəcək. Komandalar ilk görüşlərini səfərdə keçirəcəklər.