Serbiya millisinin baş məşqçisi: İngiltərə yığmasına qarşı cəsarətli oyun sərgilədik

Rəqib çox yaxşı və güclü komandadır. Lakin biz cəsarətli oyun sərgilədik.

“Report” xəbər verir ki, bunu Serbiya millisinin baş məşqçisi Draqan Stoykoviç Almaniyada keçirilən AVRO-2024-ün qrup mərhələsinin I turunda İngiltərəyə 0:1 hesabı ilə uduzduqları matçdan sonra deyib.

Mütəxəssis futbolçuları ilə qürur duyduğunu bildirib: “Məğlubiyyətə layiq deyildik. Sloveniya ilə növbəti görüşdə əlimizdən gələni edəcəyik. Bu qarşılaşmada qalib gəlməliyik”.