"Səbail"in baş məşqçisi: "65 dəqiqə yaxşı oyun nümayiş etdirdik"

65 dəqiqə yaxşı oyun nümayiş etdirdik.

"Report" xəbər verir ki, bunu "Səbail"in baş məşqçisi Cavid Hüseynov "Qarabağ"a qarşı Misli Premyer Liqasının XXII turunun oyunundan sonra baş tutan mətbuat konfransında deyib.

O, böyük hesabla məğlub olduqları görüş barədə danışıb:

"Qarabağ"la ardıcıl iki dəfə qarşılaşdıq. 3 gündən sonra bu komanda ilə qarşılaşmaq bizim üçün çətin oldu. Təxminən 65 dəqiqə yaxşı oyun nümayiş etdirdik. Heyətimiz olduqca kasaddır. Dünən baş tutan məşqdə 15 futbolçu iştirak edib. Bir neçə gün öncə kubok matçı olmasaydı, bu gün 90 dəqiqə yaxşı mübarizə görə bilərdik".

Qeyd edək ki, XVII turun görüşündə "Səbail" səfərdə "Qarabağ"a 0:5 hesabı ilə məğlub olub.