Samir Əliyev Azərbaycanın U-19 millisinin baş məşqçisi təyin olunub

Bakı. 28 dekabr. REPORT.AZ/ Azərbaycanın 19 yaşadək futbolçulardan ibarət milli komandasına yeni baş məşqçi təyin olunub.

“Report” milli assosiasiyanın rəsmi saytına istinadən xəbər verir ki, yığma Samir Əliyevə tapşırılıb. Təyinat AFFA-nın Məşqçilər Komitəsinin təqdimatı əsasında baş katibliyin birgə müzakirələri nəticəsində reallaşıb.

S.Əliyev 1991-ci ilədək təvəllüdlü futbolçulardan ibarət komandanı 2019-cu ilin oktyabrında keçiriləcək Avropa çempionatının seçmə mərhələsinə hazırlayacaq. Hazırkı baş məşqçi Vüqar Məmməd isə U-19-a elit-raundda rəhbərlik edəcək. 

Qeyd edək ki, Samir Əliyev ötən mövsüm “Səbail”ə rəhbərlik edib.