Şahrudin Məhəmmədəliyev: "Komanda yoldaşlarım siqaret çəkirdilər, mən atamdan qorxurdum"

"Komandadakı uşaqlar siqaret çəkirdilər, içə bilirdilər və mən atamdan çox qorxurdum".

"Report" xəbər verir ki, bunu "Championat" nəşrinə müsahibəsində "Qarabağ"ın və Azərbaycan millisinin qapıçısı Şahrudin Məhəmmədəliyev Rusiyanın paytaxtı Moskvadakı gənclik illərini xatırlayarkən deyib.

29 yaşlı qolkiper gecə klublarına maraq göstərmədiyini bildirib: "Başa düşürdüm ki, atam məni Moskvaya göndərib, Dağıstanda işləyir ki, burada inkişaf edim, yetişim. Xalam və dayım da çox köməklik ediblər. İki il onlarla yaşadım, səbirli olduqları üçün təşəkkür edirəm. Sonra valideynlərim Mahaçqaladakı evi satdılar və yaxınlıqda olmaq üçün Moskvada mənzil aldılar".