Sabir Buqrin: "Neftçi"yə inamım böyükdür"

"Neftçi”nin futbolçusu Sabir Buqrin Avropa Liqasının I təsnifat mərhələsində Şimali Makedoniya "Şkupi”si üzərində qazandıqları 2:1 hesablı qələbə barədə fikirlərini bölüşüb.

"Report" xəbər verir ki, ağ-qara formada ilk qolunu vuran Mərakeş əsilli belçikalı futbolçu klubun rəsmi saytına açıqlamasında gözəl hisslər keçirdiyini vurğulayıb.

24 yaşlı oyunçu matçın çətin keçdiyini söyləyib: "Rəqib bütün komanda ilə arxaya çəkilmişdi. Buna görə də qol vurub onların qapanmasının qarşısını almalı idik ki, bunu da bacardıq. Komandamıza inamım böyükdür. Komanda şəklində oyuna tam köklənsək, rəqibin kimliyindən asılı olmayaraq qalib gələrik”.