Rövnəq Abdullayev: "Qarşıda bizi gözəl işlər gözləyir" 

"Qarşıda bizi gözəl işlər gözləyir. Futbolun inkişafı naminə yeniliklərə imza atacağıq".

"Report"un məlumatına görə, bunu AFFA-nın prezidenti Rövnəq Abdullayev deyib.

R.Abdullayev xatırladıb ki, qurumun Növbəti Konfransında keçmiş dövrdə görülmüş işlər barədə danışılıb: "Çətin dövr olsa da, AFFA, futbol ictimaiyyəti futbolun geridə qalmaması üçün əllərindən gələni etdi".

AFFA prezidenti yeniliklərə misal olaraq, klubların sayının artırılması, ictimai fondların yaradılmasını qeyd edib: "İctimai fondlar hər bir bölgənin öz komandalarına yiyələnməsi anlamına gəlir. Hər bir sakin öz komandasının oyununa getməlidir. Onlar bu istiqamətdə bir addım atsalar, biz iki addım atacağıq".